«Татар-информ» мәгълүмат агентлыгында Казан дәүләт мәдәният институты мисалында «Мәдәният» илкүләм проектын гамәлгә ашыруга багышланган матбугат конференциясе була

19 июльдә, 09.30 сәгатьтә «Татар-информ» мәгълүмат агентлыгында Казан дәүләт мәдәният институты мисалында «Мәдәният» илкүләм проектын гамәлгә ашыруга багышланган матбугат конференциясе була.

Чарада «Казан дәүләт мәдәният институты» югары белем бирү дәүләт бюджет мәгариф учреждениесе ректоры, профессор, педагогика фәннәре докторы, Татарстан Республикасының атказанган фән эшлеклесе Роза Әхмәдиева, педагогика фәннәре докторы, профессор, Татарстан Республикасының атказанган фән эшлеклесе Резеда Гарифуллина һәм Казан дәүләт мәдәният институтының өзлексез белем бирү үзәге директоры Элина Туганова катнашачак.

«Татар-информ» МА сайтында матбугат конференциясенең онлайн-трансляциясе оештырылачак.

ММЧ вәкилләре һәм барлык теләүчеләр сорауларны +7 (927) 037-91-10 номерына (WhatsApp мессенджеры) һәм электрон адреска (pr@tatar-inform.ru) җибәрә ала, шулай ук сорауларны онлайн-видеога комментарийларда бирергә мөмкин. ММЧны күрсәтү сорала.

ММЧ аккредитацияләү электрон почта аша уза: pr@tatar-inform.ru