1 июльдә Казан федераль университетының Лев Толстой исемендәге Филология һәм мәдәниятара багланышлар институтында абитуриентлар кабул итүгә әзерлеккә һәм аны үткәрүгә багышланган матбугат конференциясе узачак
1 июльдә Казан федераль университетының Лев Толстой исемендәге Филология һәм мәдәниятара багланышлар институтында абитуриентлар кабул итүгә әзерлеккә һәм аны үткәрүгә багышланган матбугат конференциясе узачак.
Иртәгә, 1 июль көнне сәгать 11 дә «Татар-информ» мәгълүмат агентлыгында матбугат конференциясе була. Ул Казан федераль университетының Лев Толстой исемендәге Филология һәм мәдәниятара багланышлар институтында, шул исәптән Габдулла Тукай исемендәге татаристика һәм тюркология югары мәктәбенә дә абитуриентлар кабул итүгә әзерлеккә һәм аны үткәрүгә багышлана.
Чарада Казан (Идел буе) федераль университетының Лев Толстой исемендәге Филология һәм мәдәниятара багланышлар институты директоры Рәдиф Җамалетдинов, әлеге институтның деканы Рамил Мирзаһитов һәм институтның Һөнәри юнәлеш бирү үзәге мөдире Алмаз Закиров катнашачак.
Журналистларга документлар кабул итү вакыты һәм студентлар кабул ителәчәк урыннар, әзерлек юнәлешләренең исемлеге, бюджет урыннары саны, максатчан квота турында мәгълүмат тәкъдим ителәчәк.
ММЧ вәкилләренең һәм барлык теләүчеләрнең сорауларын алдан ук WhatsApp мессенджерына +7 (927) 037-91-10 номерына яисә электрон адрес
(pr@tatar-inform.ru) буенча җибәрүегезне сорыйбыз. Сорауларны шулай ук онлайн-видеога шәрехләүләрдә дә язарга мөмкин. ММЧ күрсәтү сорала.
ММЧ аккредитацияләү электрон почта аша уза: pr@tatar-inform.ru