ТНВ YouTube-каналы 100 000 язылучы өчен «Көмеш төймә» алды

2017 ел башында эшли башлаган ТНВ YouTube  каналы 100 000 язылучы өчен «Көмеш төймә» алды. Тиешле сан 2021 елның маенда җыелды.

YouTube каналның мәгълүмат продюсеры Артур Стасевич сүзләренә караганда, уңышка ирешү өчен телеканал контентын көн саен яңартып торырга кирәк. Моннан тыш, Интернеттан кызыклы видеосюжетлар табарга һәм урнаштырырга да туры килә.

«Аудиториябезнең 60%ын Татарстанда гына түгел, бөтен дөньяда булган вакыйгалар белән кызыксына торган ир-атлар тәшкил итә. Шуңа күрә мин төрле контент табарга тырышам», – ди Стасевич.

Ул шулай ук ТНВ проектларыннан «7 дней», «Вызов 112» һәм Татарстанның криминалистика тарихына багышланган  «Черек күл» сериалларына сорау зур булуын билгеләп үтте.

ТНВ YouTube каналы тамашачылары республика, Россия һәм дөнья вакыйгалары турында яңалыклар хакында каналда турыдан-туры күрсәтелә торган трансляцияләр аша мәгълүмат алуны өстен күрә.

«Бу бүләкне без 4 ел көттек. Киләсе максатыбыз – 1 миллион тамашачы булуга ирешү. Мондый казаныш өчен безгә алтын төймә биреләчәк», – дип, планнары белән уртаклашты Артур Стасевич.