30 июньдә «Ага Базар» халыкара этномәдәни фестиваленә багышланган матбугат конференциясе була
30 июньдә, 10.00 сәгатьтә «Татар-информ» мәгълүмат агентлыгында «Ага Базар» халыкара этномәдәни фестиваленә багышланган матбугат конференциясе була.
Чарада «Болгар дәүләт тарих-архитектура музей-тыюлыгы» ТР ДБУ директоры Рамил Җиһаншин, «Болгар дәүләт тарих-архитектура музей-тыюлыгы» ТР ДБУ фәнни хезмәткәре Ренат Ваһапов, «Татарстан Республикасы мәдәният өлкәсендә инновацияләр кертү һәм традицияләрне саклап калу ресурс үзәге» ДБУ халык иҗатын үстерү буенча директор урынбасары Эльвина Якупова һәм «Татарстан Республикасы мәдәният өлкәсендә инновацияләр кертү һәм традицияләрне саклап калу ресурс үзәге» ДБУ халык иҗатын үстерү бүлеге методисты Павел Александров катнашачак.
Исегезгә төшерәбез, Болгар музей-тыюлыгы территориясендә 3 июльдә беренче тапкыр «Ага Базар» халыкара этномәдәни фестивале узачак. Болгар дәүләтенең «Көнчыгыш базар»ы фестивальнең төп чарасы булачак, анда кулдан эшләнгән уникаль товарлар куелган сәүдә рәтләре, тематик мәйданчыклар, декоратив-кулланма сәнгать буенча иҗади һөнәрчелек остаханәләре оештырылачак.
«Татар-информ» МА сайтында матбугат конференциясенең онлайн-трансляциясе оештырылачак.
Сорауларны +7 (927) 037-91-10 номерына (WhatsApp) һәм pr@tatar-inform.ru электрон адресына җибәрүегезне сорыйбыз. Шулай ук теләүчеләр сораулар онлайн-видеога комментарийларда бирә алалар. ММЧ исемен күрсәтүегезне сорыйбыз.
ММЧ аккредитацияләү электрон почта аша башкарыла: pr@tatar-inform.ru