Рәссәй Төзелеш министрлыгы урбанистика өлкәсендә «Шәһәр интонацияләре» бөтенрәссәй яшьләр медиапроектлары конкурсын игълан итә

2021 елның 16 июненнән урбанистика өлкәсендә беренче Бөтенрәссәй медиапроектлар конкурсына гаризалар кабул ителә башлады. Конкурс кысаларында Рәссәйнең барлык төбәкләреннән килгән югары һәм урта махсус уку йортлары 18-35 яшьләрдәге студентларына  шәһәр тирәлеге темасын үстерүгә һәм популярлаштыруга ярдәм итүче медиапроектлар әзерләргә тәкъдим ителә. Оештыручылар - Рәссәй Төзелеш министрлыгы һәм «Шәһәр инновацияләре» гомумрәссәй оешмасы, конкурсның мәгълүмати партнеры - «Милли приоритетлар» АКБО.

Конкурсның максаты - яңа урбанмедиа булдыру һәм алга этәрү буенча яшьләр инициативаларын яклау аша Рәссәйнең урта һәм кече шәһәрләрен үстерү, алар, үз чиратында, шәһәр тормышын «җанландырырга» һәм халыкның игътибарын үз шәһәрләренә, аларның проблемаларына һәм җиңүләренә җәлеп итәргә тиеш.

Җиңүчеләрне Рәссәйнең эре оешмаларында стажировка көтә.

Катнашу өчен гаризалар 2021 елның 23 июленә кадәр кабул ителә. Финалистлар 26 июльдә игълан ителәчәк. Алар Түбән Новгород шәһәрендә Рәссәй Төзелеш министрлыгы һәм ЙОРТ.РФ «Тормыш өчен мохит» форумы кысаларында үткәрелгән конкурсның финал өлешендә катнашачаклар.

Тулырак мәгълүматны белергә, конкурс турында нигезләмә белән танышырга һәм катнашу өчен гаризаны проектның рәсми сайтында калдырырга мөмкин: https://urbanintonations.ru