Татарстан Республикасы Дәүләт Советы депутатлары социаль учреждениеләр өчен вакытлы матбугатка язылдылар.

Татарстан Дәүләт Советында «Татмедиа» акционер җәмгыяте оештырган «Язылу бүләк ит!» акциясе булып узды. Депутатлар республиканың социаль учреждениеләре өчен  вакытлы матбугатка 200 дән артык язылу бүләк итте.

Акциядә Дәүләт Советы Рәисе Фәрит Мөхәммәтшин да катнашты. Ул Баулы районының Кырым Сарай авылында урнашкан Өлкәннәр һәм инвалидлар йорты өчен «Республика Татарстан», «Ватаным Татарстан» газеталарына һәм «Чаян» журналына язылды.

Хәйриячелек кысаларында үткәрелгән әлеге кампаниядә теләгән бар кеше катнаша ала. Моның өчен «Татмедиа» акционер җәмгыятенең кайсы да булса басмасына язылырга гына кирәк. Бу проектта берничә ел рәттән инде Татарстанның дәүләт, җәмәгать эшлеклеләре һәм мәдәният әһелләре катнаша.