Халыклар һәм диннәр арасындагы мөнәсәбәтләрне Татарстан Республикасы массакүләм мәгълүмат чараларында иң яхшы яктыртуга конкурс игълан ителә.

2021 елның 1 июне, сишәмбе

Матбугат һәм массакүләм коммуникацияләр буенча республика агентлыгы халыклар һәм диннәр арасындагы мөнәсәбәтләрне Татарстан Республикасы массакүләм мәгълүмат чараларында иң яхшы яктыртуга конкурс игълан итә. Конкурс эшләре 2021 елның 1 июненнән 1 октябренә кадәр түбәндәге адрес буенча «халыклар һәм диннәр арасындагы мөнәсәбәтләрне Татарстан Республикасы массакүләм мәгълүмат чараларында иң яхшы яктыртуга конкурс» тамгасы белән кабул ителә: 420066, Татарстан Республикасы, Казан ш., Декабристлар ур., 2 йорт, 608 каб. Белешмәләр өчен телефон: 8 (843) 570-31-12.

Конкурс эшләре түбәндәге номинацияләрдә кабул ителә:

  • «Татарстан Республикасында Туган телләр һәм халыклар бердәмлеге елын яктыртуга юнәлдерелгән массакүләм мәгълүмат чараларында иң яхшы медиапроект»;
  • «Халыклар һәм диннәр арасындагы мөнәсәбәтләрне массакүләм мәгълүмат чараларында иң яхшы яктырткан материал»;
  •  «Татарстан Республикасында яшәүче  халыкларның телен, мәдәниятен, традицияләрен һәм гореф-гадәтләрен саклап калуда гаилә кыйммәтләренең ролен иң яхшы яктырткан материал».;

Шулай ук 2021 елда махсус номинация игълан ителә: 

- «2021 елгы Бөтенроссия халык санын алуны иң яхшы яктырту».

Конкурста катнашырга чакырабыз!

НИГЕЗЛӘМӘ

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International