Энергияне сак тоту һәм энергетика нәтиҗәлелеген арттыру мәсьәләләрен яктыртуга һәм пропагандалауга багышланган республика конкурсы башланды
Ул массакүләм мәгълүмат чаралары һәм Татарстан Республикасы предприятиеләренең матбугат хезмәтләре өчен үткәрелә.
2021 елның 21 – 23 апрель көннәрендә Казан шәһәрендә энергия ресурсларының нәтиҗәлелегенә багышланган халыкара форум (ТЭФ-2021) үтәчәк.
ТЭФ-2021 кысаларында массакүләм мәгълүмат чаралары һәм Татарстан Республикасы предприятиеләренең матбугат хезмәтләре арасында энергияне сак тоту һәм энергетика нәтиҗәлелеген арттыру мәсьәләләрен яктыртуга һәм пропагандалауга багышланган республика конкурсы үткәрелә.
Конкурс энергетик, матди, финанс, хезмәт һәм административ ресурслардан файдалануның нәтиҗәлелеген пропагандалауга һәм энергия ресурсларының нәтиҗәлелегенә, энергияне сак тоту, табигатьне саклау чараларына барлык өлкә белгечләренең һәм халыкның игътибарын җәлеп итүгә юнәлдерелгән.
Конкурсны Татарстан Республикасы Сәнәгать һәм сәүдә министрлыгы, «Татарстан Республикасы Министрлар Кабинеты каршындагы Энергия саклау технологияләре үзәге» дәүләт автоном учреждениесе оештыра.
Конкурска массакүләм мәгълүмат чараларында 2020 елның 1 гыйнварыннан 31 декабренә кадәр басылып чыккан эшләр кабул ителә. Конкурсның Нигезләмәсе Татарстан Республикасы Сәнәгать һәм сәүдә министрлыгы сайтында урнаштырылды (https://mpt.tatarstan.ru/2020-2021-gg.htm).