Татарстанда WorldSkills чемпионаты ябылу тантанасы булды

5 декабрьдә Татарстанда «Яшь профессионаллар» региональ чемпионатын (WorldSkills Russia)  ябу һәм беренче өч этапта җиңүчеләрне котлау тантанасы булды, ул онлайн форматта үтте. Чемпионатның дүртенче этабы җиңүчеләрен котлау 19 декабрьдә булачак. Ярышлар 238 компетенция буенча узды, анда 3500 конкурсант һәм эксперт катнашты.

Бүләкләнүчеләр арасында «Полиграфия технологияләре» компетенциясендә катнашкан КНИТУ-КХТИ студентлары да бар. Бу юнәлеш буенча ярышлар ике көн дәвамы итте, катнашучылар «А-пресс» типографиясе базасында  офсет ысулы белән бастыру буенча осталыкларын күрсәтте. Өченче урынны Тимур Насыйфуллин, икенче урынны Даниил Грачев алды, ә алтын медальгә Адилә Саттарова лаек булды.

Чемпионатта катнашучыларны “Татмедиа” республика матбугат һәм массакүләм коммуникацияләр агентлыгы җитәкчесе Айдар Сәлимгәрәев котлады.

Региональ чемпионатта җиңүчеләр киләсе елның язында  ярым финалда чыгыш ясаячак. Ә җәй көне Уфада финал ярышлары үтәчәк