Эшкуарлык эшчәнлеген популярлаштыру буенча журналист эшләре конкурсына гаризалар кабул ителә
Татарстан Республикасы Эшкуарлыкка ярдәм фонды, Татарстан Республикасы Икътисад министрлыгы ярдәме белән, ел саен үткәрелә торган журналист эшләре республика конкурсына конкурс эшләрен кабул итә башлау турында игълан итә. Татарстан Республикасы үсешенең социаль-икътисадый темаларына язучы журналистлар катнашу өчен чакырыла.
Чараның максаты – Татарстан Республикасында кече һәм урта эшкуарлыкка ярдәм итү һәм аны үстерү инструментларын яктырту, республикада барган икътисадый үзгәрешләр, җәмгыять тормышын яхшырту инструментлары һәм чаралары турында мәгълүмат бирү, шулай ук эшкуарлык эшчәнлеген популярлаштыру.
Конкурс түбәндәге номинацияләрдә үткәрелә:
- «Иң яхшы старт»
- «Бизнес өчен хезмәтләр күрсәтү»
- «Бизнес өчен лицензияләр»
- «Бизнес өчен энергия»
- «Бизнес өчен яклау»
- «Стрессыз тикшерү»
- «Бизнес өчен инвестицияләр»
- «Бизнес өчен инфраструктура»
- «Бизнес өчен җир»
- «Бизнес өчен финанслар»
- «Эшлекле кешеләр»
- «Бизнес өчен ярдәм»
- «Бизнес өчен мәгълүмат»
- «Бизнес өчен пространство»
- «Бизнес өчен мәгариф»
Конкурста катнашу өчен татар һәм рус телләрендә барлык милек рәвешләрендәге басма, электрон, радио - һәм телевизион массакүләм мәгълүмат чараларында 2019 елның 1 ноябреннән 15 ноябренә кадәр дөнья күргән журналист эшләре кабул ителә. Реклама хокукларында бастырылган материаллар белән конкурста катнашу рөхсәт ителми.
Конкурста катнашу өчен, 2020 елның 15 ноябренә кадәр, кушымтадагы форма буенча гариза һәм конкурска тапшырыла торган хезмәтләрне тапшырырга кирәк.
Конкурс материаллары электрон рәвештә konkurs.SMI@tatar.ru адресы буенча җибәрелә, «Конкурска» дип тамгаларга кирәк. Эшләрне бәяләү конкурс комиссиясе тарафыннан 2020 елның 15 ноябреннән алып 30 ноябренә кадәр үткәреләчәк.