WorldSkills чемпионат хәрәкәтен гамәлгә ашыру һәм үстерү турында журналист эшләре республика конкурсына гаризалар бирү вакыты 2020 елның 30 сентябренә кадәр озайтылды.

2020 елның 22 сентябре, сишәмбе

Конкурсны оештыручы – «Татарстан Республикасының һөнәри компетенцияләрне үстерү үзәге» автоном коммерциячел булмаган оешмасы.

Конкурска гариза һәм эшләр түбәндәге адрес буенча урнаштырылган рәвештә тапшырыла:

 https://docs.google.com/forms/d/e/1FAIpQLScEFyq84UrccpNK-EL2BwZ82-S9A5R3HE8Lvd0Ugt1ufZIH1A/viewform

Конкурс эшче һөнәрләрне популярлаштыруга ярдәм итә торган хәрәкәтне яктырту максатыннан түбәндәге номинацияләр буенча үткәрелә:

1.      Иң яхшы телевизион эш (телевизион программа, репортаж, интервью, аналитик программа, документаль фильм)

2.      Басма массакүләм мәгълүмат чараларында иң яхшы материал (мәкалә, репортаж, интервью)

3.      Электрон массакүләм мәгълүмат чараларында иң яхшы материал (мәкалә, репортаж, интервью)

4.      Социаль челтәрләрдә иң яхшы материал (мәкалә, репортаж, интервью)

5.      Иң кызыклы шәхси тарих (ММЧ форматы әһәмиятле түгел)

6.      Иң яхшы фоторәсем (теләсә кайсы ММЧ форматы, телевидениедән тыш)

Конкурс эшләре материалның эчтәлеге, объективлыгы, әдәби-сәнгать дәрәҗәсе, тәрбияви һәм иҗтимагый кыйммәте, материалга иҗади якын килү, фактларның тапталмаган булуы, бәян итү мантыйгы, образлылыгы һәм стиле, фотолар булу-булмавы ягыннан бәяләнәчәк.

Конкурста юридик һәм физик затлар, барлык милек рәвешләрендәге массакүләм мәгълүмат чаралары журналистлары, шул исәптән ММЧ редакцияләре һәм штаттан тыш журналистлар катнаша ала. Татар һәм рус телләрендә барлык милек рәвешләрендәге басма, электрон, радио - һәм телевизион массакүләм мәгълүмат чараларында дөнья күргән журналист эшләре кабул ителә. Язмаларда, WorldSkills хәрәкәтен яктыртудан тыш, әлеге чемпионатның Татарстан Республикасы һәм конкрет кешеләр тормышына уңай йогынтысы чагылырга тиеш.

Конкурста катнашу өчен 2020 елның 20 мартыннан 2020 елның 30 сентябренә кадәр дөнья күргән журналист эшләре кабул ителә. Материаллар Татарстан Республикасында WorldSkills хәрәкәтен үстерүгә кагылырга тиеш.

Нәтиҗәләр 2020 елның 31 октябреннән дә соңга калмыйча ясалачак.

НИГЕЗЛӘМӘ

Белешмә өчен телефон:

Елена Кузнецова, (843) 590-00-94 (доб. 1117)

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International