D-DLINE проектында катнашучылар экспертлар белән очрашты
D-DLINE проектында катнашучылар медиа өлкәсендәге экспертлар белән очрашты. Алар арасында «Татмедиа» акционер җәмгыяте генераль директоры Шамиль Садыйков, «Татмедиа» республика матбугат һәм массакүләм коммуникацияләр агентлыгы җитәкчесе урынбасары Эдуард Хәйруллин, медиатехнолог һәм «К9» коммуникация агентлыгының идарәче партнеры Ярослав Муравьев, Татарстан Республикасы Яшьләр эшләре министры Дамир Фәттахов та бар иде.
«14.30» проекты кысаларында барган дискуссияләр вакытында без локаль медиаларны үстерү буенча бик күп тәкъдимнәр ишеттек. D-DLINE проекты шулай башланып китте һәм әлеге һөнәрне сайлаган яшьләрнең ихтыяҗына җавап буларак яңгырый. Проектның асылы – формаль булмаган белем алу. Сезнең яшьләр тормышына яңалык кертерлек проектларыгыз һәм яңа форматларыгыз бар икән, без сезгә ярдәм итәргә әзер», — диде Фәттахов.
«Татмедиа» акционер җәмгыяте генераль директоры Шамиль Садыйков медиамәктәптә катнашучыларны мәгълүмат агентлыгына экскурсиягә чакырды һәм хезмәттәшлек итәргә һәрвакыт әзер булуын белдерде.
Очрашу вакытында яшьләр каләм тибрәтә башлаган яшүсмерләр өчен мәктәптән тыш махсус басмалар, инфраструктура булмау, фикер кытлыгы мәсьәләләрен күтәрде. Яшьләрнең фикерләрен тормышка ашырырлык итеп җиһазландырылган Яшьләр үзәге кирәклегенә басым ясалды.