Kazan Digital Week-2020 форумына аккредитация башланды

Массакүләм мәгълүмат чараларын Kazan Digital Week – 2020 халыкара форумына аккредитацияләү башланды. Чараны яктырту өчен форумның рәсми сайтында (https://kazandigitalweek.com/media/)  «ММЧ өчен» битендә  теркәлергә мөмкин. 

Аккредитация узган ММЧ түбәндәгеләргә ия була:

·       яңалыкларга язылуга;

·       форумның барлык чараларын трансляцияләү мөмкинлегенә;

·       матбугат конференцияләрендә катнашуга;

·        өстәмә брифингларда спикерларга сорау бирүгә.

Матбугат конференцияләренең графигы:

·        2020 елның 21 сентябре, 13:00 – 13:30;

·        2020 елның 23 сентябре, 17:00 – 17:30.

Элемтә: Пекунов Дмитрий - 8(960)031-56-48

Белешмә өчен:

2020 елның 21 – 24 сентябрендә Татарстан Республикасы Министрлар Кабинеты онлайн форматта Россия Федерациясе Хөкүмәте ярдәме белән Kazan Digital Week - 2020 халыкара форумын үткәрә.

Форумның төп идеясе – белгечләрнең читтән торып аралашуының максималь фәнни һәм икътисадый нәтиҗәлелегенә ирешү. Форум программасында – дискуссияләр һәм түгәрәк өстәлләр, автоном транспорт чараларының гамәлдәге үрнәкләре күргәзмәсе, сәнәгать лабораторияләре буйлап техник турлар, Казан шәһәре буенча экскурсия турлары, Digital Superhero хакатоннар сериясенең җәйге финалы.