«Алтын каләм-2020» фестиваленең җиңүчеләре билгеле булды
«Алтын каләм» балалар, яшүсмерләр һәм яшьләр матбугатының XXI Республика фестиваленең җиңүчеләре билгеле булды. Арча районыннан Рүзәл Шәрипов һәм Түбән Кама районыннан Илья Ковязин Гран-при яулады.
«Җиңүемә әле дә ышанып бетә алмыйм. Мин 11нче сыйныфка керәм. Үземне бу өлкәдә тагы да үстереп, алга таба эшлисем килә. Безнең журналистиканың төрле яклары бар. Газета-журналлар белән чикләнмәскә иде. „Алтын каләм“ мине илһамландырды, идеяләр бирде. Барлык проектларны да чынга ашырырга язсын иде», — ди Рүзәл Шәрипов.
Мәктәпне тәмамлагач, Рүзәл грант буенча КФУның журналистика факультетына укырга керергә планлаштыра. «Укуга кергәч, үз проектларымны чынга ашырырга, аларны алга таба алып барырга язсын иде. Алдагы „каләмчеләргә“ үзләрен кызганмаска, төрле яктан ачарга тырышырга киңәш итәм», — дип теләде ул.