«Татмедиа» башлыгы төбәк чемпионатының иң яхшы полиграфчыларын бүләкләде

Казанда WorldSkills төбәк чемпионатының төп этабын тәмамлау кысаларында Татарстанда иң яхшы полиграфия технологларын ачыкладылар.

«Сер түгел, өйрәнгәндә катнашучылар кыйммәтле җиһазлар куллана алмыйлар, һәм күп кенә университетларның аларны сатып алу мөмкинлеге юк. Нәкъ менә шушы ярышлар вакытында алар полиграфия предприятиеләрендә эшләү буенча бик зур тәҗрибә ала, яңа техника белән таныша, яңа алымнар үзләштерә ала», - диде Татарстан Республикасы матбугат һәм массакүләм коммуникацияләр агентлыгы җитәкчесе Айдар Сәлимгәрәев.