Татарстан Дәүләт Советында “Татар-информ” фотографы Рамил Галинең күргәзмәсе ачылды

Татарстан Республикасы Дәүләт Советында “Татар-информ” агентлыгының фотографы Рамил Галинең “Тимер кешеләр” күргәзмәсе ачылды. Ул 1988-1993 елларда Татарстанда яшәүче кешеләр тормышына багышланган.

Экспозициягә 80 нче еллар ахыры 90 нчы еллар башында танылган сәясәтчеләр һәм җәмәгать эшлеклеләре, беренче президент сайлаулары вакытындагы митинглар, Татарстан суверенитеты турында референдум, шулай ук гади казанлылар һәм республика районнарында яшәүчеләрнең тормышы чагылган уникаль фотолар кергән.

• Рамил Гали фотожурналистикада 33 ел эшли. Дистә еллар дәвамында профессиональ карьерасында аның фотографияләре күпсанлы күргәзмәләрдә катнашкан. Ул Советлар Союзы һәм Россия күләмендәге төрле абруйлы конкурсларында җиңгән. Рамил Гали республика газеталарында, Россия Президенты Владимир Путинның журналист пулында, “Коммерсантъ”, “Труд” һәм “Комсомольская правда”, шулай ук АКШ журналларында хезмәт куйган.