Республика матбугат һәм массакүләм коммуникацияләр агентлыгы брифинг-залында ике конкурс җиңүчеләрен котлау чарасы үтәчәк

2015 елның 2 декаберендә сәгать 15:00 Республика матбугат һәм массакүләм коммуникацияләр агентлыгы брифинг-залында (Декабристлар урамы, 2 йорт, 1 кат) ике конкурс җиңүчеләрен котлау чарасы үтәчәк: - Татарстан Республикасы массакүләм мәгълүмат чараларында милләтара һәм динара мөнәсәбәтләр темасын яктырту буенча журналистларның республика конкурсы; - Татарстан Республикасы район массакүләм мәгълүмат чараларында экстремизмны булдырмау темасына иң яхшы журналист эше конкурсы. Гомүмән алганда ике конкурска Татарстан Республикасы массакүләм мәгълүмат чараларыннан 500 эш кабул ителде. Конкурсларның төп бурычы булып Татарстан Республикасы массакүләм мәгълүмат чараларында милләтләрнең, мәдәниятләрнең һәм диннәрнең үсешен һәм үзара бәйләнешен күрсәтүне популярлаштыру, уңай мисалларны, дәүләт оешмалары һәм иҗтимагый оешмалар тарафыннан экстремизм һәм терроризмга каршы оештырылучы чараларны яктырту.