“Многоликая Россия” VIII Бөтенрусия ачык журналистлар бәйгесе игълан ителде

«Татмедиа» Республика матбүгат һәм массакүләм мәгълүмат чаралары агентлыгы һәм Татарстан Республикасы журналистлар берлеге тарафыннан “Многоликая Россия” VIII Бөтенрусия ачык журналистлар бәйгесене игълан ителә. Бәйгедә катнашырга теләүчеләр анкеталарын һәм материалларын 2015 елның 1 октябренә кадәр түбәндәге адрес буенча җибәрә алалар: «Татмедиа» Республика матбүгат һәм массакүләм мәгълүмат чаралары агентлыгы, 420066, Казан шәһәре, Декабристлар урамы, 2нче йорт, 6 кат, 7 кабинет, массакүләм мәгълүмат чаралары бүлеге. E-mail: mnogolikaya@tatmedia.com. Тел.: 8 (843) 5 70 31 12. “Многоликая Россия” Бөтенрусия ачык журналистлар конкурсы 2006 елда игълан ителде. Аеруча кызыклы, әһәмиятле, талантлы, мәдәният мирасын үстерүгә һәм саклап калуга зур өлеш кертүче материалларны сайлап алу – бәйгенең төп максаты булып тора. Шулай ук “Многоликая Россия” конкурсы милли гореф-гадәтләрне танытуга ярдәм күрсәтүгә, Русия территориясендә яшәүче төрле милләт халыкларының мәдәниятенә һәм сәнгатенә кызыксыну уятуга юнәлтелгән.