Фәрит Шаһиәхмәтов Крсноярскида «Енисей.РФ» медиафорумында лекция укыды

Красноярскида «Енисей.РФ» VI медиафорумы ачылды. Анда ММЧ җитәкчеләре, журналистлар, матбугат хезмәте, хакимият органнары вәкилләре, блогерлар катнаша. Форумда барлыгы 200 дән артык кеше катнашуы көтелә. Быел форум кысаларында 30 дан артык мәйданчык оештырылган, катнашучылар ММЧ, җәмгыять, хакимият һәм бизнес мөнәсәбәтләре, төбәкнең мәгълүмати киңлеген үстерү һәм модернизацияләү мәсьәләләре буенча фикер алышачак, территориянең үсеш нокталары белән танышачак. Медиафорумда «Татмедиа» АҖ генераль директоры Фәрит Шаһиәхмәтов катнашты. Ул “Төбәк медиахолдингы: идарә, стратегия, рәсми һәм социаль темаларны эшкәртү” турында лекция укыды. Искәртеп үтик: «Татмедиа» АҖ составына 85 филиал, 132 ММЧ - телевидение, радио, газета, журнал, мәгълүмат үзәкләре, шул исәптә республиканың «Татар-информ» төп мәгълүмат агентлыгы һәм «Идел-пресс» эре полиграфия-нәшрият комплексы керә.