Татарстанда өч ай эчендә 20 дән артык ММЧ теркәлгән
Беренче кварталда Татарстан Республикасы буенча “Роскомнадзор” идарәсе тарафыннан 24 ММЧ теркәлде, дип хәбәр итә идарә тармагы. Аерым алганда, 17 басма ММЧ, шул исәптән 8 газета һәм 9 журнал, 7 электрон ММЧ, шулар арасында 2 телепрограмма һәм 5 радиоканал. 7 ММЧ яңадан теркәлгән, шулардан – 2 басма ММЧ, шул исәптән 2 журнал, 5 электрон ММЧ, шул исәптән 2 телеканал һәм 3 радиоканал. 19 теркәлү таныклыгына үзгәрешләр кертелгән, шулардан газеталар – 3, радиоканаллар – 11, телеканаллар – 2, электрон даими басмалар – 3. Идарә тарафыннан исемлектән редакцияләре Татарстанда урнашкан 26 ММЧ чыгарылган, шуларның 4-е – суд карары буенча, 22 – оештыручылар гаризалары буенча. 31 мартта редакцияләре ТР территориясендә урнашкан массакүләм мәгълүмат чаралары исемлегенә 1086 ММЧ кергән.