"Татмедиа" Республика матбугат һәм массакүләм коммуникацияләр агентлыгы

Журналистлар игътибарына! “ММЧ көзгесендә сайлаулар” конкурсы игълан ителде

2014 елның 2 сентябре, сишәмбе

Татарстан Республикасы Үзәк сайлау комиссиясе бишенче чакырылыш Татарстан Республикасы Дәүләт Советы депутатлар сайлауы мәсьәләләрен яктыртучы иң яхшы материалга конкурс игълан итте.

Конкурсның максаты – бишенче чакырылыш Татарстан Республикасы Дәүләт Советы депутатлар сайлауын актив рәвештә яктырту.

Конкурс биш номинациядә үткәрелә:

1. «Аңлы сайлау»;

2. «Чикләнгән мөмкинлек – чикләнмәгән хокук»;

3. «Сайдау комиссиянең бер көне»;

4. «Ачык сайлау»;

5. Ин яхшы аналитик материал.

Конкурска бирелгән материаллар 2014 елның 1 февраленнән 30 сентябренә кадәр чыгарылырга тиеш. Материаллар ТРның ике дәүләт телләрендә кабул ителә.

Материаллар 2014 елның 7 октябренә кадәр алдагы адрес буенча кабул ителә: ТР ҮСК, 420014, Татарстан Республикасы, Казан ш., Кремль, 3нче подъезд. Почта җибәрүләрендә “КОНКУРС СМИ” билгесе булырга тиеш.

Һәр номинациядә лауреатлар өчен кыйммәтле бүләк (планшет) һәм акчалы премияләр әзерләнгән. Конкурсның кагыйдәләре ТР ҮСК сайтында “Конкурслар” бүлегендә (http://izbirkom.tatarstan.ru/rus/konkursi-cikrt.htm).

БАРЛЫК ЯҢАЛЫКЛАРНЫ УКУ