Казанда ТР журналистлары өчен белем бирү семинары узды

2014 елның 21 июле, дүшәмбе
Семинар кысаларында Идел буе физик культура, спорт һәм туризм академиясе, Россиянең спорт журналистлары федерациясе һәм Татарстанның спорт журналистлары федерациясе арасында өч яклы килешүгә кул куелды. 
"Фэйр Плэй" Халыкара комитеты чаралары кысаларында, 19 июльдә ФИСУның Халыкара мәгариф үзәге "Спорт проектлары башкарма дирекциясе" КАО белән берлектә, Татарстан журналистлары һәм студентлары өчен “ММЧ – гадел уен принципларын алга сөрү мәйданчыгы” дип исемләнгән белем бирү семинары узды. Әлеге проект Татарстанның ММЧ вәкилләре, шулай ук Казанның спорт журналистлары өчен тәгаенләнгән. 
Беркөнлек семинар программасына РФ нең атказанган спорт остасы, фехтование буенча 4 мәртәбә Олимпия чемпионы Станислав Поздняков белән очрашу, "Фэйр Плэй" ның Россиядәге комитет җитәкчесе Николай Долгополов һәм Халыкара фехтование федерациясе медиа-менеджеры Асимина Тселоу мастер-класслары кертелгән иде. Спикерлар һәм семинарда катнашучылар гадел уен принциплары, "Фэйр Плэй" Халыкара комитеты эшчәнлеге, шулай ук чараларда журналистлар һәм пресс-менеджерлар арасындагы төп аралашу аспектлары хакында сүз алыштылар. 
Белем бирүче семинарны "Fair Play Gala 2014" танатанасы ябты. Анда "Фэйр Плэй" Халыкара комитеты бүләкләре тапшырылды. 
“Спорт проектлары башкарма дирекциясе” матбугат хезмәте мәгълүматы буенча.

БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Агентлык турында
Документлар
Матбугат хезмәте
Гражданнар мөрәҗәгате һәм гражданнарны кабул итү
Адрес: 420066 Казан шәһәре, Декабристлар урамы, 2
Телефон: +7 (843) 570-31-22, 570-31-01
Факс: +7 (843) 537-91-04
E-Mail: ra.tatmedia@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International