"Татмедиа" Республика матбугат һәм массакүләм коммуникацияләр агентлыгы

Бүген “Татмедиа”да ил күләмендә “Төбәктә китап басуның көндәшлеккә сәләтлелеген арттыру” темасына VIII фәнни-гамәли конференция үткәрелә

2014 елның 9 июле, чәршәмбе

Конференция 11 июльгә кадәр үтәчәк.
Казан каласына Россиянең 22 шәһәреннән, шул исәптән 9 милли республика башкаласыннан нәшрият һәм китап йорты җитәкчеләре, полиграфистлар, китапханә юнәлеше, китап сәүдәсе вәкилләре, гомумән, китап басуга мөнәсәбәте булганнар җыелды. Арада, Татарстан китап нәшриятыннан тыш, “Белый город”, “РИПОЛ классик”, “Даръ”, МЭИ, “Гнозис” кебек танылган үзәк нәшриятлар җитәкчеләре бар.
Аерым алганда, 9-11 июльдә “Татмедиа” Республика матбугат һәм массакүләм коммуникацияләр агентлыгында Россия Федерациясе күләмендә “Төбәктә китап басуның көндәшлеккә сәләтлелеген арттыру” темасына VIII фәнни-гамәли конференция үткәрелә. Әлеге илкүләм конференциянең Iсе дә Казанда булган, аннары – Волгоград, Махачкала, Краснодар, Якутск, Төмән, Тобольск, Петропавловск-Камчатскида.
Пленар утырышка ТР Дәүләт Советы депутатлары - шагыйрьләр Разил Вәлиев, Роберт Миңнуллин һәм Ренат Харисов, “Идел-пресс” генераль директоры киңәшчесе Ислам Әхмәтҗанов, шулай ук ТР Язучылар берлеге рәисе Рафис Корбан һ.б. катнашты.

"Татар-информ" МА мәгълүматы буенча.

БАРЛЫК ЯҢАЛЫКЛАРНЫ УКУ