"Татмедиа" Республика матбугат һәм массакүләм коммуникацияләр агентлыгы

Казандагы V Төбәк һәм милли массакүләм мәгълүмат чаралары форумының пленар утырышы уза

2014 елның 19 июне, пәнҗешәмбе

Форум эше бүген “Күп төсмерле Россия”/“Многоликая Россия” VII Бөтенроссия журналистик конкурсы җиңүчеләрен котлау тантанасы белән тәмамлана.
Казанда үткәрелә торган V Төбәк һәм милли массакүләм мәгълүмат чаралары форумыделегатлары кичә һәм бүген “Татмедиа” Республика матбугат һәм массакүләм коммуникацияләр агентлыгы базасында семинарларда, киңәшмәләрдә,очрашуларда катнашып, Татарстанның тарихи урыннарына сәяхәт кылды. РФ Төбәк үсеше министрлыгы, Матбугат һәм массакүләм коммуникацияләр буенча федераль агентлык, Этникара журналистика гильдиясе, Россия һәм Татарстан Журналистлар берлекләре вәкилләре, ММЧ белән эшләү буенча төбәк ведомстволары җитәкчеләре, РФ субъектыннан төбәк, өлкә, районнарның, махсуслаштырылган һәм милли басмалары, телерадиокомпанияләр, мәгълүмат агентлыклары вәкилләре бүген ТР Мәдәният министрлыгында (аны башта “Казан” милли мәдәният үзәгендә үткәрү күздә тотылган иде) пленар утырышта.
Төбәк һәм милли ММЧ форумы эше бүген “Күп төсмерле Россия”/“Многоликая Россия” VII Бөтенроссия журналистик конкурсы җиңүчеләрен котлау тантанасы белән тәмамлана. Тантана “Эрмитаж” концерт-холлында (Әмирхан ур., 1Б) сәгать кичке 7дә башлана.
Форум делегатлары иртәгә Казан Сабан туенда катнашачак, дип белдерә форумны оештыручылар.

«Татар-информ» МА мәгълүматы буенча.

БАРЛЫК ЯҢАЛЫКЛАРНЫ УКУ