"Шәһри Казан" газетасында яңа баш мөхәррир

Бүген “Татмедиа” республика матбугат һәм массакүләм коммуникацияләр агентлыгында республика ММЧ җитәкчеләре белән үткәрелгән киңәшмәдә аның генераль директоры Ирек Миңнәхмәтов, Мансур Мортазин җитәкчелектән, башка эшкә күчү сәбәпле, китте, диде. Җаваплы хезмәте өчен аңа рәхмәт белдерде һәм Рәхмәт хаты тапшырды. 

Аннары И.Миңнәхмәтов республика ММЧ җитәкчеләренә “Шәһри Казан” газетасының яңа баш мөхәррирен тәкъдим итте: ул – Гөлнара Сабирова. Ул әлеге газета редакциясенә 5 нче баш мөхәррир буларак эшкә керешә. 

Киң җәмәгатьчелеккә популяр җырлар авторы һәм 2001 елдан журналист буларак таныш Гөлнара Сабирова (ул КДУның журфагын тәмамлаган) моңарчы “Ватаным Татарстан”, “Татарстан яшьләре” газеталарында эшләгән, “ТНВ”да Кара-каршы” тапшыруын алып барган, ТР Сәламәтлек саклау министрлыгының матбугат хезмәте җитәкчесе булган, Универсиаданың башкарма дирекциясендә һәм “Барс-Медиа”да эшләп алган. 

“Татар-информ” МА мәгълүматы буенча.