"Татмедиа" Республика матбугат һәм массакүләм коммуникацияләр агентлыгы

Ирек Миңнәхмәтов элемтә тармагы хезмәткәрләрен һәм ветераннарын Радио көне белән котлады

2014 елның 7 мае, чәршәмбе

"Татмедиа" Республика матбугат һәм массакүләм коммуникацияләр агентлыгы җитәкчесе Ирек Миңнәхмәтов элемтә тармагы хезмәткәрләрен һәм ветераннарын Радио көне белән котлады.
“Хөрмәтле элемтә тармагы хезмәткәрләре һәм ветераннары!
Һөнәри бәйрәм – Радио көне белән ихлас котлауларны кабул итегез!
Бүген иң яңа мәгълүмат технологияләре, коммуникация һәм массакүләм мәгълүмат чаралары – һәрбер хәзерге заман кешесе тормышының аерылгысыз өлеше булып тора.
Сез, көн саен эфирга чыгып, өзлексез элемтәне тәэмин итеп, эшлекле элемтәләр үсешенә, барган вакыйгалар турында мәгълүматны халыкка тапшыру эшенә, халыклар арасында аралашуга зур өлеш кертәсез. Элемтә тармакларының нәтиҗәле һәм, күп очракта, инновацион эше икътисадны, социаль һәм мәдәни-рухи өлкәләрне ныгытырга ярдәм итә.
Тармак үсешенә керткән өлеш, яраткан эшкә тугрылык өчен сезгә ихлас күңелдән рәхмәт сүзләре белдерәм.
Сезгә һөнәри уңышлар, ару-талуны белмичә иҗади эзләнүләр, яңа кызыклы идеяләрнең тормышка ашуын телим. Сезгә һәм гаиләләрегезгә бәхет, сәламәтлек һәм имин тормыш!” - диелә Ирек Миңнәхмәтовның котлавында.

“Татар-информ” МА мәгълүматы буенча.

БАРЛЫК ЯҢАЛЫКЛАРНЫ УКУ