"Татмедиа" Республика матбугат һәм массакүләм коммуникацияләр агентлыгы

”Каләм” VI мөселмән ММЧ конкурсның нәтиҗәләре билгеләнде

2014 елның 9 апреле, чәршәмбе

Чараны ачканда, Татарстан мөфтие Камил Сәмигуллин ММЧ вәкилләренә дини мәсәләләрне яктырту өчен зур рәхмәтен белдерде. Конкурста катнашучыларны тәбрик итү өчен ТР Президенты Аппараты, Казан мэриясе һәм Республика матбугат һәм массакүләм коммуникацияләр агентлыгы вәкилләре һәм башкалар килделәр.

“Дөньяви ММЧларда мөселманнар турында иң якшы материал” номинациясендә “Татар-информ” МА корреспонденты Алия Замалеева җиңде.

Ринат Асхадуллин (ТНВ) һәм Сәрия Хәбибуллина (ТРК “Казан”) мөселманнар турында иң якшы телевизион сюжет хәзерләделәр.

“Иң якшы мөселман интернет-ресурсы” номинациясендә Хатыйп Гәрәев (Татар-ислам.com) һәм Мөршидә Киямова (“Интертат”) җиңделәр;

“Мөселманнар турында иң якшы радиотапшырма” номинациясендә – Айгөл Әхмәтшина (“Нократ” телерадиокомпаниясе, Мамадыш).

Дөньяви ММЧларда ислам турында иң якшы кушымта булып “Шәхри Казан” газетасы билгеләнде. “Мөселман журналистикасына кертелгән өлеш өчен” диплом һәм Республика матбугат һәм массакүләм коммуникацияләр агентлыгыннан махсус приз “ТНВ” корреспонденты Альфред Мөхәммәтрахимовка бирелде

БАРЛЫК ЯҢАЛЫКЛАРНЫ УКУ