"Татмедиа" Республика матбугат һәм массакүләм коммуникацияләр агентлыгы

Intertat.ru электрон газетасы игълан иткән шигырь бәйгесенең нәтиҗәләре билгеләнде

2014 елның 4 апреле, җомга

Жюри әгъзаларына да җиңелдән булмады, күпсанлы шигырьләр арасыннан җиңүгә лаеклыларны аерып чыгару – җаваплы һәм авыр хезмәт. Шулай да, “Безнең мирас” журналы редакциясе вәкилләреннән торган жюри “бурыч”ларын җиренә җиткереп үтәде, кызу дебатлар нәтиҗәсендә җиңүчеләр ачыкланды.

Шулай итеп, Иң лирик шигырь номинациясендә җиңүче дип Илсур Зәкиев (Актаныш) табылды. Бүләк – Татарстанның Милли музеена 2 кешелек билет.

Иң кызык шигырь номинациясендә җиңүче – Тәнзилә Әхмәтова. Бүләк – К.Тинчурин исемендәге театрга 2 кешелек билет (18 апрельдә булачак спектакльгә).

Иң креатив шигырь номинациясендә җиңүче – Люция Аблеева (Казан). Бүләк – Г.Кариев исемендәге яшь тамашачы театрына 2 кешелек билет (25 апрельдә булачак спектакльгә).

Редакторның махсус бүләгенә Гүзәл Сафина лаек булды.

Җиңүчеләрне 15 апрельгә кадәр редакциядә көтеп калабыз. Адресыбыз: Казан шәһәре, Декабристлар урамы, 2 йорт, 4 кат. Intertat.ru республика электрон газетасы редакциясе.

"Intertat" электрон газетасы мәгълүматы буенча.

БАРЛЫК ЯҢАЛЫКЛАРНЫ УКУ