«Татар рухы hәм каләм» IV Бөтенрусия журналистлары һәм массакүләм мәгълүмат чаралары бәйгесе җиңүчеләрен бүләкләү тантанасы

2014 елның 27 февралендә 15:30 сәгатьтә «Казан» милли-мәдәни үзәгендә «Татар рухы hәм каләм» IV Бөтенрусия журналистлары һәм массакүләм мәгълүмат чаралары бәйгесе җиңүчеләрен бүләкләү тантанасы узды.
Конкурста катнашырга теләп, аның оештыру комитетына 91 гариза тапшырылган булган: БДБ илләреннән, төгәлрәге, Казакъстаннан – 1; Россиянең 8 төбәгеннән – 17; Татарстанның 11 районыннан – 28 һәм Казан шәһәреннән – 45. 
Журналистларның иҗади эшләренә «Татмедиа» Республика матбугат һәм массакүләм коммуникацияләр агентлыгы җитәкчесенең беренче урынбасары Нурия Беломоина рәислегендәге мәртәбәле жюри бәяләгән. Жюри әгъзалары: «Татарстан –Яңа гасыр» ААҖ генераль директоры урынбасары Миләүшә Айтуганова, «Болгар радиосы» баш мөхәррире Шәмсия Җиһангирова, «Татмедиа» ААҖнең милли проектлар җитәкчесе Гөлнара Сабирова, «Ватаным Татарстан» газетасы баш мөхәррире Миңназыйм Сәфәров, «Сабантуй» газетасы баш мөхәррире Айдар Гыймадиев, «Безнең гәҗит» газетасы баш мөхәррире Илфат Фәйзрахманов, язучы Марсель Галиев, Бөтендөнья татар конгрессы Башкарма комитетының мәгълүмат–аналитика идарәсе җитәкчесе Гөлназ Шәйхи.
 Конкурс номинацияләре буенча бүләкләнүчеләр түбәндәгечә: 
«Милли тормышны яктыртучы иң яхшы матбугат»: «Чишмә» тапшыруы (Ульяновск), 
«Сөембикә» журналы (Казан), 
«Хезмәт даны» газетасы (Кукмара); 
«Бөтендөнья татар конгрессы эшчәнлеген яктырту»: Ләйсәнә Садретдинова («ТНВ-Планета» ТВнең «Татарлар» телетапшыруы), 
Миләүшә Низаметдинова («Татар-информ» мәгълүмат агентлыгы, Казан), 
Рәшит Минһаҗев («Ватаным Татарстан» газетасы, Казан);
«Татар халкына хезмәт итүче эшмәкәрләрнең хезмәтен яктырту»: Лилия Йосыпова («Ирек мәйданы» газетасы, Казан),
Наилә Гыйбадуллина («Болгар радиосының» «Уңыш формуласы» тапшыруы, «Яңа гасыр» ТРК), 
Алсу Җиһаншина («Теләчеинформ»); 
«Татар халкының тормышын һәм көнкүрешен яктырту»: Эльвира Насыйбуллина («Можга» телетапшыруы, Удмуртия), 
Зөлфия Галиуллина («Нурлат» ТРК, Нурлат), 
Бибинур Сабирова («Хикмәт» газетасы, Төмән), 
Виктория Купцова (Семипалатинск каласы, Казакъстан), 
Әгъзам Фәйзрахманов («Мәдәни җомга» газетасы, Казан),
 Зөлфирә Мөхәммәдова («Башваткыч» тапшыруы, «Яңа гасыр» ТРК);
«Татар авылларының сакланышын һәм үсешен яктырту»: Фаил Гыймадов («Болгар радиосының» «Туган авылым» тапшыруы, «Яңа гасыр» ТРК), 
Рәзимә Кашапова («Зәй офыклары» газетасы);
«Татар милли көрәшен популярлаштыру»: Радик Сабиров («Интертат» электрон газетасы, Казан), 
Илшат Гайсаров (Питрәч мәгълүмат үзәге); 
«Балалар өчен иң яхшы журналистик материал»: Резеда Нигъмәтуллина («Болгар радиосының» «Сөенче» тапшыруы, «Яңа гасыр» ТРК), «Әллүки» балалар журналы (Башкортстан Республикасы),
Фәнзилә Салихова («Моя Удмуртия» ТКнең «Күңелле кыңгырау» тапшыруы);
«Милли мәгариф мәсьәләләрен иң яхшы яктыртучы»: Дания Гайнетдинова («Татарстан» дәүләт радиосы), 
Ләйләгөл Минаева («Әлмәт таңнары» газетасы);
«Татар халкының милли мәсьәләләрен яктыртучы интернет-сәхифә»: Фәрит Гыйбатдинов (Чувашиянең Комсомол районы Урмай авылы сайты).
 Иң мөһиме шул: «Татар рухы һәм каләм» Бөтенроссия журналистлары һәм массакүләм мәгълүмат чаралары конкурсы, хәзерге көндә татар җәмгыятен борчыган мәсьәләләрне ачык әйтеп калу өчен, - зур мөмкинчелек тудыра торган мәйдан, дип белдерә оештыручылар, ә алар – «Татмедиа» Республика матбугат һәм массакүләм коммуникацияләр агентлыгы һәм Бөтендөнья татар конгрессы Башкарма комитеты.