«Күпчалымлы Россия» XV Бөтенроссия журналистлар конкурсына 6 номинациягә Россия Федерациясенең 26 төбәгеннән 622 эш тапшырылган. Җиңүчеләрне бүләкләү тантанасы 2024 елның 27 ноябрендә Казан шәһәрендә узачак.

КФУда "Си Цзиньпинның яраткан канатлы гыйбарәләре" телепроектының өченче сезоны башланып китте, анда КНР лидерының әһәмиятле сүзләре тикшерелә.

БРИКС илләренең халыкара медиачелтәре гарәп телендә мәгълүмат порталы версиясен ачты. Шул итеп, берләшмә әгъзалары булган дәүләтләрдә яшәүчеләр саммитның көн тәртибе белән турыдан-туры танышу мөмкинлеге алды, дип хәбәр иттеләр медиачелтәрнең матбугат хезмәтендә.

Муса Җәлил исемендәге республика премиясенә гаризалар кабул итү башланды. Ул ике елга бер мәртәбә Татарстан Республикасы яшьләренең талантлы вәкилләренә театр сәнгатен, рәсем сәнгатен, кино һәм журналистиканы, әдәбиятны үстерүгә, шулай ук музыкаль сәнгать өлкәсендә, яшьләр программаларын гамәлгә ашыруда шәхси өлеш керткән өчен бирелә. Конкурска йомгак шагыйрь Муса Җәлилнең туган көнендә – февраль аенда ясалачак.