Яшь блогерлар форумы

2024 елның 23 августы, җомга

Киләсе ял көннәрендә республиканың яшь блогерлары форумында катнашу өчен гариза бирү төгәлләнә. Форумга 18 яшьтән 35 яшькә кадәр булган Татарстан блогерлары чакырыла. Проект үз каналын яңа гына ачкан блогерларга да, халык арасында танылганнарга да кызыклы булачак, программага төрле дәрәҗәдәге өйрәтүләр кертелгән. Гаризалар 25 августка кадәр кабул ителә. Теркәлү – сылтама буенча. Форум 3 – 5  сентябрьдә Лаеш районындагы «Идел» яшьләр лагеренда узачак. Оештыручылар – Татарстанның Яшьләр эшләре министрлыгы һәм «Инсайт Люди» продюсерлык үзәге.