Айдар Сәлимгәрәев: «KazanForum Россия һәм ислам дөньясы хезмәттәшлегенең төп мәйданчыгына әверелде»

2024 елның 16 мае, пәнҗешәмбе

KazanForum кысаларында фикер алыша торган мәсьәләләр ел саен арта бара. Форумның масштаблары да киңәя. «Татмедиа» республика матбугат һәм массакүләм коммуникацияләр агентлыгы җитәкчесе Айдар Сәлимгәрәев «Татар-информ» мәгълүмат агентлыгына шулай дип белдерде:

 «KazanForum Россия һәм ислам дөньясы арасындагы хезмәттәшлекнең төп мәйданчыгына әверелде. Форумда карала торган мәсьәләләрнең тирәнлеге арта бара. Бу медиа өлкәсенә дә кагыла. Быел күп илләрнең мәгълүмат агентлыгы җитәкчеләре килде. Форум – халыклар арасында дуслык җепләре сузу өчен бик зур мөмкинлек», – диде А. Сәлимгәрәев.