Журналистика һәм массмедиа өлкәсендә «Бәллүр каләм» – «Хрустальное перо» XXVII Республика бәйгесенә эшләрне кабул итү

Журналистика һәм массмедиа өлкәсендә «Бәллүр каләм» – «Хрустальное перо» XXVII Республика бәйгесенә эшләрне кабул итү 2024 елның 22 апреленә кадәр озайтыла.  

Эшләр Татарстан Республикасы Журналистлар берлегендә (420080, Казан шәһәре, Декабристлар урамы, 179 (3 подъезд) кадәр кабул ителә. Конкурс эшенә «Журналистика һәм массмедиа өлкәсендә «Бәллүр каләм» – «Хрустальное перо» XXVII Республика бәйгесенә» дигән тамга салырга кирәк. Белешмәләр өчен телефон: (843)555-85-11, 555-76-03.

Конкурс эшләре түбәндәге номинацияләрдә кабул ителә:

«Журналистикага тугрылык өчен» - журналистика һәм массмедиа өлкәсендә күпьеллык хезмәте өчен медиатармак хезмәткәрләренә, шулай ук Татарстан Республикасы журналистикасын үстерүгә һәм ныгытуга өлеш керткән өчен матбугат, радио, телевидение, нәшрият-полиграфия эшчәнлеге ветераннарына 50,0 мең сумлык ике премия тапшырыла;

«Мультимедияле редакция» - Татарстан Республикасы территориясендә гамәлгә куелгучы, омниканальлекне актив үстерүче редакцияләргә 50,0 мең сумлык ике премия тапшырыла;

«Иң яхшы район (шәһәр) редакциясе» - Татарстан Республикасы шәһәр һәм район массакүләм мәгълүмат чаралары редакцияләренә 50,0 мең сумлык ике премия тапшырыла;

«Һөнәрдә иң яхшысы» - Татарстан Республикасының республика, шәһәр яисә район массакүләм мәгълүмат чаралары журналистларына 50,0 мең сумлык ике премия тапшырыла;

«Ел фоторепортеры» - Татарстан Республикасының республика, шәһәр яисә район массакүләм мәгълүмат чаралары фоторепортерына 50,0 мең сумлык бер премия тапшырыла;

«Ел телеоператоры» - Татарстан Республикасының республика, шәһәр яисә район массакүләм мәгълүмат чаралары телеоператорына 50,0 мең сумлык бер премия тапшырыла;

«Нәтиҗәле матбугат хезмәте» - массакүләм мәгълүмат чаралары белән хезмәттәшлек итүче матбугат хезмәтенә 50,0 мең сумлык бер премия тапшырыла;

«Популяр блогер» - Татарстан Республикасы блогосферасы вәкилләренә 50,0 мең сумлык ике премия тапшырыла;

«Туган тел» - Татарстан Республикасыннан читтә татар телендә чыгучы массакүләм мәгълүмат чарасына,  татар телендә материаллар иҗат итүче журналистка 50,0 мең сумлык бер премия тапшырыла;

«Ел медиаперсонасы» - ел дәвамында массакүләм мәгълүмат чараларында иң еш телгә алынучы шәхескә тапшырыла.

Махсус номинацияләр:

•  
• Россия Федерациясендә укытучы һәм остаз елын иң яхшы яктырту» – Россия Федерациясендә укытучы һәм остаз елын иң яхшы яктырткан өчен ике кыйммәтле приз һәм диплом тапшырыла  

«Татарстан Республикасында милли проектларны яктырту буенча иң яхшы массакүләм мәгълүмат чарасы редакциясе» – Татарстан Республикасында милли проектларны иң яхшы яктырткан өчен Татарстан Республикасының республика, шәһәр һәм район массакүләм мәгълүмат чаралары редакцияләренә ике кыйммәтле приз һәм диплом тапшырыла.

Конкурс эшләрен бәяләгәндә түбәндәге критерийлар кулланыла:

1 тур:

конкурс эшләренең максатларга һәм бурычларга туры килүе (биш баллга кадәр);

актуаль булу, социаль әһәмият, материалларның иҗтимагый ихтыяҗы (биш баллга кадәр).

2 тур:

аналитиклык, темага үтеп керү тирәнлеге (биш баллга кадәр);

фактология, ышандыру, дәлилләү базасы (биш баллга кадәр);

бәянең үтемлелеге (биш баллга кадәр);

тел чараларын, материаллар бирүнең сәнгатьле алымнарын куллану (биш баллга кадәр);

индивидуаль иҗади стиль (биш баллга кадәр);

композиция-структур төзелеш, иллюстратив чаралар, инфографика (биш баллга кадәр).

Конкурста катнашырга чакырабыз!