XVII Халыкара мөселман киносы фестивален үткәрүгә багышланган матбугат конференциясе узачак

17 августта, 13.00 сәгатьтә “Татар-информ” мәгълүмат агентлыгында Казандагы XVII Халыкара мөселман киносы фестиваленә багышланган матбугат конференциясе узачак.

Чарада фестивальнең башкарма директоры, “Татаркино” дәүләт бюджет мәдәният учреждениесе директоры Миләүшә Айтуганова, Татарстан Республикасы мәдәният министры урынбасары Дамир Натфуллин, сайлап алу комиссиясе рәисе Гөлнара Обикеева (ZOM буенча тоташтыру) һәм Казан кинофестиваленең чараларын оештыручы, “Джаз-Тур” компаниясендә проектлар администраторы Анжелика Евфорицкая (ZOM буенча тоташу) катнашачак.

Исегезгә төшерәбез, фестиваль Татарстан башкаласында 2021 елның 5 сентябреннән 10 сентябренә кадәр узачак. Ул Татарстан Республикасы Президенты Рөстәм Миңнеханов ярдәме белән «Россия - ислам дөньясы» стратегик күзаллау төркеме белән партнерлыкта үткәрелә.

Матбугат конференциясендә конкурска сайлап алынган фильмнар, параллель программалар, атаклы кунаклар, кинофорумның башка яңалыклары, эшлекле мәйданчыклар турында сөйләячәкләр.

«Татар-информ» мәгълүмат агентлыгы сайтында матбугат конференциясенең  онлайн-трансляция оештырылачак.

Массакүләм мәгълүмат чаралары вәкилләре һәм барлык теләүчеләр үзләренең сорауларын WhatsApp мессенджерында +7 (927) 037-91-10 номерына һәм pr@tatar-inform.ru электрон адресына алдан җибәрә ала.Шулай ук теләүчеләр сорауларын онлайн-видеога комментарийларда бирә ала. ММЧ күрсәтү сорала.
ММЧ аккредитацияләү түбәндәге электрон почта аша уза: pr@tatar-inform.ru.