«Күпчалымлы Россия» XII Бөтенроссия ачык журналистлар конкурсына материаллар кабул ителә башлады
«Татмедиа» Республика матбугат һәм массакүләм коммуникацияләр агентлыгы тарафыннан «Күпчалымлы Россия» XII Бөтенроссия ачык журналистлар конкурсы игълан ителде.
Конкурсның төп максаты - мәдәни мирасны үстерүгә һәм саклап калуга зур өлеш кертүче материалларны барлау. Шулай ук «Многоликая Россия» конкурсы милли гореф-гадәтләрне танытуга, Россия территориясендә яшәүче төрле милләт халыкларының мәдәниятенә һәм сәнгатенә кызыксыну уятуга юнәлтелгән.
Конкурста катнашырга теләүчеләр анкеталарын һәм материалларын 2019 елның 1 августына кадәр түбәндәге адрес буенча җибәрә алалар:
«Татмедиа» Республика матбугат һәм массакүләм коммуникацияләр агентлыгы, 420066, Казан шәһәре, Декабристлар урамы, 2нче йорт, 6 кат, 5 кабинет, массакүләм мәгълүмат чаралары бүлеге. E-mail: mnogolikaya2019@mail.ru. Тел.: 8 (843) 570-31-12.