15.05.2012
17 майда Татарстан башкаласында ачылачак “KAZANSUMMIT 2012” бу юлы масштаблырак булуы белән истә калыр, мөгаен. Быелгы IV саммит узганнарыннан тагын да дәрәҗәлерәк булуы, чакырылган кунакларның, тәкъдим ителә торган инвестиция проектларының күплеге белән аерылып торачак. Ул халыкара инвесторларны, Россия һәм чит илләрнең хакимият вәкилләрен, финанс структуралары җитәкчеләрен, эшмәкәрләр һәм эшлекле элитаны, Россия, Ислам хезмәттәшлеге оешмасы, БДБ, Ауропа, Азия илләреннән экспертлар һәм галимнәрне бер мәйданга җыячак. Бу хакта бүген журналистларга “Татмедиа” агентлыгында узган матбугат очрашуында ТР Инвестицион үсеш агентлыгы җитәкчесе Линар Якупов җиткерде.
Республика матбугат һәм массакүләм коммуникацияләр агентлыгы
