Медведев ММЧ өлкәсендә РФ Хөкүмәте премияләрен тапшыру тантанасында Татарстанны да билгеләп үтте
Россия Федерациясе Премьер-министры Дмитрий Медведев ММЧ өлкәсендә 2014 ел өчен РФ Хөкүмәте премияләрен тапшыру тантанасында Татарстан Республикасын һәм «Эфир» телеканалын билгеләп үтте.
Быел традиция буенча һәрберсе 1әр млн сум күләмендә 10 премия тапшырылды.
Дмитрий Медведев Татарстан Республикасы “Эфир” телеканалын төбәк эфирында күп еллар дәвамында лидерлык позициясен биләгән өчен билгеләп үтте. Бүләкләү тантанасында “Эфир” ҖЧҖ Директорлар советы рәисе Андрей Григорьев һәм “Татмедиа” ААҖ генераль директоры Фәрит Шаһиәхмәтов катнашты.
Искәртеп узабыз: премияләр тапшыру турындагы карар 2014 елның декабрендә Премьер-министр тарафыннан имзаланган инде. Премия тапшыру тантанасы Россия журналистларының һөнәри бәйрәменә – Россия матбугаты көненә багышлана.