ММЧ хезмәткәрләренең уртача хезмәт хакы узган елда 21, 3 мең сум тәшкил иткән

Алдагы ел белән чагыштырганда, хезмәт хакы 11 процентка арткан 2013 нче елда массакүләм мәгълүмат чаралары хезмәткәрләренең уртача хезмәт хакы 21 мең 300 сум тәшкил иткән, бу, аннан алдагы ел белән чагыштырганда, 11 процентка артык.
 Бу хакта бүген “Татмедиа” Республика матбугат һәм гаммәви коммуникацияләр агентлыгында узган йомгаклау коллегиясендә төп доклад белән чыгыш ясаган агентлык җитәкчесе Ирек Миңнәхмәтов хәбәр итте. Коллегия утырышы ТР Президенты Рөстәм Миңнеханов катнашында узды.
 Докладчы сүзләренә караганда, керемнең төп чыганагы – реклама. Россия коммуникацон агентлыклары ассоциациясе экспертлары комиссиясе нәтиҗәләре буенча, массакүләм мәгълүмат чараларында рекламаның гомуми күләме, НДС ны тотып калып, узган елның 9 аенда якынча 197 миллиард сум тәшкил иткән, бу алдагы елның шушы чоры белән чагыштырганда, 11 процентка артык. Прессадан кала, реклама базарының калган барлык медиасегментлары уңай динамиканы чагылдыра. 
“2013 ел нәтиҗәләре буенча, республикада рекламаның гомуми суммасы 3,3 миллиард сум тәшкил иткән, бу узган елга караганда, 16 процентка артык”, - дип белдерде Ирек Миңнәхмәтов.