«Татмедиа» акционерлык җәмгыяте һәм «Белорус телеграф агентлыгы» (БЕЛТА) республика унитар предприятиесе генераль директорлары Шамил Садыйков белән Ирина Акулович Минскида мәгълүмат алмашу буенча хезмәттәшлек турында меморандум имзалады. Татарстан делегациясен «Татмедиа» Руспублика матбугат һәм массакүләм коммуникацияләр агентлыгы җитәкчесе Айдар Сәлимгәрәев җитәкләде.

Тележурналист Динә Газалиева кабат "Tatarstan Today" авторлык программасын тәкъдим итә.

16-17 ноябрьдә Казанда өченче тапкыр «Тау Фест» гаилә китап фестивале узачак. Бу – Россия һәм Белоруссиянең танылган язучыларын, нәширләрне, рәссамнарны һәм укучыларны бер мәйданчыкта берләштерәчәк мөһим мәдәни вакыйга.

Матбугат һәм массакүләм коммуникацияләр буенча республика агентлыгы оештырган «Россия халыкларының милли бәйрәмнәре» X бөтенроссия фотоконкурсына йомгак ясалды. Конкурс «Татарстан Республикасында дәүләт милли сәясәтен гамәлгә ашыру» дәүләт программасының бер өлеше булып тора.