Казанда «Татарстан» журналының 100 еллыгына багышланган күргәзмә ачылды

2020 елның 17 декабре, пәнҗешәмбе

Бүген Корстонда «Татарстан Республикасы муниципаль берәмлекләре Советы» ассоциациясе съездында «Татарстан» журналының 100 еллыгына багышланган уникаль күргәзмә ачылды. Биредә журналның иң яхшы тышлыклары куелган.

Декабрьдә республикабыз исемендәге басмага 100 яшь тулды. Ул республикабызның яшьтәше! Бер гасыр дәвамында журналның тугыз тапкыр исеме үзгәргән – «РКП(б) татар өлкә комитеты басмасы» дип нәшер ителә башлаган журнал хәзер «Татарстан» исеме белән атала. Шунысы кызыклы, журналның элеккеге исемнәрендә республикабызның  бөтен тарихы чагыла.