"Татмедиа" Республика матбугат һәм массакүләм коммуникацияләр агентлыгы

Татарстанда 25 июньнән 1 июльгә кадәр мөселман яшьләренең алтынчы фестивале уза

2012 елның 20 июне, чәршәмбе

Әлеге фестивальнең максаты – өммәт эчендәге проблемаларны хәл итү өчен, мөселман яшьләрен берләштерү, алар арасында хезмәттәшлек урнаштыру

Татарстанда 25 июньнән 1 июльгә кадәр мөселман яшьләренең алтынчы фестивале уза. Форум ТР Яшьләр эшләре, спорт һәм туризм министрлыгы, Татарларның федераль милли-мәдәни мөхтәрияты, ТР мөселманнары Диния нәзарәте, “Идел” яшьләр үзәге ТР Президентының Дини берләшмәләр белән элемтәләр идарәсе теләктәшлегендә оештырыла.
Мөселман яшьләре диспутларда, Россиянең яшь мөселманнарын борчыган актуаль мәсьәләләрне күтәргә “түгәрәк өстәл” утырышларында, лекцияләрдә, бәйгеләрдә һәм Ислам буенча дәресләрдә катнаша алачак. Шулай ук дин әһелләре белән очрашулар, экскурсияләр каралган.
Әлеге фестивальнең максаты – өммәт эчендәге проблемаларны хәл итү өчен, мөселман яшьләрен берләштерү, алар арасында хезмәттәшлек урнаштыру.
Берничә ел дәвамында фестиваль Болгар шәһәрендә оештырылып килде. Быел аны урыны үткәрү итеп Казаннан 30 км ераклыкта урнашкан “Идел” яшьләр үзәге билгеләнгән. Оештыру комитеты форумда катнашу өчен 18-30 яшьләрдәге актив мөселман яшьләрен чакыра. Алар үз төбәкләрендәге мөселманнар тормышын һәм мөселман оешмалары эшчәнлеге турында кызыклы чыгышлар ясар дип көтелә.

20 июнь, "Татар-информ"

БАРЛЫК ЯҢАЛЫКЛАРНЫ УКУ