Сайлаулар-2012: Татарстанда 83,08 процент тавыш җыеп В.Путин җиңде
ТР ҮСК иртәнге 6 сәгатькә Россия Президенты сайлалуларында тавыш бирүнең якынча нәтиҗәләрен белдерде
Татарстан Үзәк сайлау комиссиясендә 6 сәгатькә Россия Президенты сайлалуларында тавыш бирүнең якынча нәтиҗәләрен белдерделәр.
ТР ҮСК рәисе Анатолий Фомин белдергәнчә, иртәнге 6 сәгатькә участок сайлау комиссияләренең 98 процент берткетмәсе эшкәртелгән. Бу мәгълүматларга караганда, ТР да тавыш бирүчеләр гомуми сайлаучыларның 83,45 процентын тәшкил итә.
Якынча мәгълүматларага караганда, Владимир Путин – иң күп тавыш җыючы. Ул 83,08 процент тавыш җыйган. Кандидат Геннадий Зюганов 9,51 процент тавышка ия булган, үз-үзен тәкъдим иткән кандидат Михаил Прохоров – 2,80 процент тавыш белән 3 урында. Владимир Жириновский 2,19 процент, кандидат Сергей Миронов 1,73 процент тавыш җыйган.
“ТР да тавыш бирү вакытында җитди хокук бозу очраклары юк. Без сайлау процессы барышы һәм сайлаучылар активлыгыннан канәгать”, - дип билгеләп үтте республика сайлау комиссиясе рәисе.
5 март, "Татар-информ", Алия Җамалиева