Өйрәнергә соң түгел!
“Россия пенсионерлар берлеге” Гомумроссия иҗтимагый оешмасының төбәк бүлеге тәкъдиме белән 1 гыйнвардан Татарстанда яшәүче пенсионерларны, пенсия алды яшендәге, өлкән яшьтәгеләрне компьютерга өйрәтү буенча “Интернет – озын гомер” дигән проект старт алды.
Компьютер серләренә өйрәнү хокукына гомуми яки ташламалы нигездә картлык буенча, инвалидлык, туендыручысын югалту очрагы буенча хезмәт пенсияләре, тиешле еллар эшләгән өчен, картлык буенча дәүләт пенсияләре алучылар, билгеләнгән тәртиптә эшсез дип табылып, пенсия яшенә җитеп килүчеләр (картлык буенча хезмәт пенсиясенә чыгуга, шул исәптән картлык буенча вакытыннан алда билгеләнелә торган хезмәт пенсиясенә чыгуга 2 ел калган), 55 яшькә җиткән хатын-кызлар һәм 60 яшькә җиткән ир-атлар ия.
Компьютерга өйрәтү буенча төркемнәр җыю гражданнарның теркәлү, яшәү яки вакытлыча яшәү урыны буенча халыкны эш белән тәэмин итү үзәкләрендә хәл ителә. Курслар, төркемнәр туплауга карап, мәгариф учреждениеләре базасында (мәктәпләр, югары уку йортлары) оештырыла.
Бушлай курслар 72 уку сәгатенә исәпләнгән. Шулай итеп, өлкән яшьтәге гражданнарыбыз Интернет чел- тәре, электрон почта белән эшләү, дәүләт хезмәте күрсәтүләрне электрон рәвештә алу, аралашу даирәсен киңәйтү, тормышта активлыгын саклау мөмкинлеге алачак.
Компьютер серләренә бушлай өйрәнергә хокукы һәм теләге булганнар халыкны эш белән тәэмин итү үзәгенә мөрәҗәгать итә ала.
«Ватаным Татарстан» газетасы, 04.02.2012 №21 (26740)