ЯҢАЛЫКЛАР
«Тоталь диктант» Казанда һәм Татарстан шәһәрләрендә киләсе шимбәдә – 20 апрельдә узачак. Онлайн һәм реаль форматта диктант язуда катнашучылар 14 сәгатьтә үз белемнәрен тикшерә ала. Быел бу чарада язучы һәм журналист Анна Матвеева тексты кулланылачак.
Татарстанда «Массакүләм мәгълүмат чараларында җирле үзидарә темасын иң яхшы яктырту» турындагы конкурска эшләр кабул ителә башлады. Гаризалар 3 майга кадәр кабул ителә.
Андрей Первозванный фонды М.В. Ломоносов исемендәге МГУ журналистика факультеты белән берлектә федераль һәм региональ массакүләм мәгълүмат чаралары журналистлары өчен «Гаилә һәм Россиянең киләчәге» исемле бөтенроссия конкурсын игълан итте.
Татарстан Республикасында эшләүче яшьләрнең "Наше время – Безнен заман" ачык республика телевизион фестивале игълан ителде. Фестиваль 2013 елдан бирле республика Рәисе Рөстәм Миңнеханов ярдәме белән уза. Фестиваль социаль әһәмиятле дәүләт проекты булып тора. ЮНЕСКО эгидасы астында үткәрелә.
Журналистика һәм массмедиа өлкәсендә «Бәллүр каләм» – «Хрустальное перо» XXVII Республика бәйгесенә эшләрне кабул итү 2024 елның 22 апреленә кадәр озайтыла.
Эшләр Татарстан Республикасы Журналистлар берлегендә (420080, Казан шәһәре, Декабристлар урамы, 179 (3 подъезд) кадәр кабул ителә. Конкурс эшенә «Журналистика һәм массмедиа өлкәсендә «Бәллүр каләм» – «Хрустальное перо» XXVII Республика бәйгесенә» дигән тамга салырга кирәк. Белешмәләр өчен телефон: (843)555-85-11, 555-76-03.
4 апрель көнне «Сәйдәш» мәдәни үзәгендә дүртенче «Татар сүзе» халыкара телевизион нәфис сүз конкурсының Гала-концерты булачак.
Бүген, 29 мартта, «Казан Экспо» халыкара күргәзмәләр үзәгендә 12нче Республикакүләм ифтар узачак. Оештыручылар кунаклар өчен ишекләрне 15.00 сәгатьтә ачачак, ә ифтарга килә алмаучылар өчен Россиядәге иң зур авыз ачу мәҗлесләренең берсе YouTube-та «Татар-информ» каналында туры эфирда күрсәтеләчәк.
Гаилә елында «Фокуста – гаилә» бөтенроссия журналистлар конкурсы игълан ителде. Конкурс гаилә һәм балачак проблемаларына игътибарны җәлеп итәргә, балаларга һәм балалы гаиләләргә ярдәм итүгә юнәлдерелгән алдынгы социаль тәҗрибәләрне таратырга, балаларның һәм балалы гаиләләрнең тормыш сыйфатын яхшыртуга булышучы социаль өлкә казанышларын яктыртырга һәм таратырга мөмкинлек бирәчәк. Шулай ук ул гаилә кыйммәтләрен ныгыту, ата-аналарның абруен күтәрү өчен аралашу ысулы да булачак.
Бүген Казан шәһәренең 187 нче күп профильле лицеенда «Профессионаллар» һөнәри осталык чемпионатының төбәк этабының «Полиграфик технологияләр» компетенциясе буенча җиңүче-юниорларны бүләкләү тантанасы узды. Чемпионат «Профессионалитет» федераль проекты кысаларында үткәрелә.
Энергетика һәм энергия ресурслары нәтиҗәлелеге буенча Татарстан халыкара форумы – ТЭФ-2024 кысаларында массакүләм мәгълүмат чаралары һәм предприятиеләрнең матбугат хезмәтләре арасында энергияне сак тотуны, энергетика нәтиҗәлелеген арттыруны яктыртуга һәм пропагандалауга конкурс үткәрелә.