“Мәйдан” каналы “ТНВ”га кушыла

16 май 2018 ел., чәршәмбе

“Мәйдан” каналы “ТНВ”га кушылачак. Бу хакта бүген “Яңа Гасыр” телерадиокомпаниясе җитәкчесе Илшат Әминов, матбугат очрашуында алда көтеләчәк яңалыклар турында сөйләгәндә әйтте.

“Мәйдан” каналы да безгә кушылды. Безгә һәрвакыт: “Сездә җырлыйлар да, бииләр генә” дип әйтәләр иде. Менә хәзер җыр-биюләр “Мәйдан”да, ә “Татарстан Яңа Гасыр”да күбрәк икенче төрле программалар булачак”, – диде Әминов.

“Яңа Гасыр” җитәкчелеге кушылуның уңай якларын гына күрә.

“Мәйдан” безнең белән эшләргә җайлырак дип килде. Бу адым чыннан да кирәк иде. Бергәләп эшләргә һәрвакыт җиңелрәк”, – диде Илшат Әминов. 

ЯҢАЛЫКЛАРГА ЯЗЫЛУ
Copyright © 2003 — 2018
Татарстан Республикасы Министрлар Кабинеты
Яндекс цитирования